दोस्रो टि-२० मा अष्ट्रेलियाको सहज जित, भारत ८ विकेटले पराजित


क्रिकेट

गुवाहाटी : भारत बिरुद्धको दोस्रो टि-२० खेलमा अष्ट्रेलियाले ८ विकेटको सहज जित दर्ता गरेको छ । भारतले दिएको ११९ रनको लक्ष्यलाई अष्ट्रेलियाले १५.३ अोभरमा मात्र दई विकेट गुमाएर भेटायो । अष्ट्रेलियाका लागि मोएजिज हेनरिक्सले ४६ बलमा नट अाउट ६२ तथा ट्रेविस हेड नट अाउट ४८ रन बनाए । भारतका लागि भुवनेश्वर कुमार र जशप्रित बुमराहले १/१ विकेट लिए ।

यसअघि टस हारेर पहिले ब्याटिङ गरेको भारतले निर्धारित २० अोभरमा अल अाउट हुँदै मात्र ११८ रन बनाउन सक्यो । भारतका लागि केधार जाधबले २७ तथा हार्दिक पाण्डेले २५ रन बनाउनु बाहेक अन्य कुनै पनि खेलाडीले सम्झन लायक ब्याटिङ गर्न सकेनन् ।

अष्ट्रेलियाका लागि जेशन बेहरेनडार्फले सर्वाधिक ४ विकेट लिए । त्यस्तै एडम जुम्पाले २ तथा कुटुलटन नायल र एन्ड्री टायले १/१ विकेट लिए । ३ खेलको शिरिजको पहिलो खेलमा भारत बिजयी भएको थियोे ।

भारत: विराट कोहली (कप्तान), रोहित शर्मा, शिखर धवन, मनीष पांडे, महेंद्र सिंह धोनी (विकेटकीपर), केदार जाधव, हार्दिक पांड्या, कुलदीप यादव, युजवेंद्र चहल, जसप्रीत बुमराह र भुवनेश्वर कुमार.

अष्ट्रेलिया : डेविड वॉर्नर (कप्तान), एरोन फिंच, ग्लेन मैक्सवेल, ट्रेविस हेड, मोएजिज हेनरिक्स, मार्कस स्टोइनिस, टिम पेन (विकेटकीपर), नाथन कूल्टर नाइल, एंड्रयू टाइ, एडम जाम्पा र जेसन बेहरेनडॉर्फ.