फिफा बरियतामा नेपाल माथि उक्लिदा भारत भने तल झर्‍यो, ब्राजिल नम्बर एकमा


खेलकुद

काठमाडौं । फिफाको विश्व वरियतामा नेपाल एक स्थान माथि उक्लिएको छ । आज फिफाले सार्वजनिक गरेको वरियताअनुसार ११७ अंकका साथ नेपाल १६९औं स्थानमा रहेको छ । यसअघि नेपाल १७०औं स्थानमा थियो ।

अनुसार दक्षिण एसियामा सबै भन्दा माथि भारत ९७ औ स्थानमा छ । भारत गत महिनाको भन्दा एक स्थान तल झरेको हो । त्यस्तै माल्दिभ्स १४२ औ, अफगानिस्तान १५६ औ , भुटान १६५ औ स्थानमा छ । नेपाल भन्दा पछि बंगलादेश १८९ औ, श्रीलंका १९७ औ र पाकिस्तान २०० औ स्थानमा छ ।

फिफाको विश्व बरियतामा ब्राजिल शिर्ष स्थानमा उक्लेको छ । ब्रजिल जर्मनीलाई पछि पार्दै पहिलो स्थानमा उक्लिन सफल भएको हो । यस्तै जर्मनी दोस्रो स्थानमा छ भने अर्जेन्टिना तेस्रो स्थानमा यथावत छ । चौथोमा स्विजरल्याण्ड र पाचौमा पोल्याण्ड छन् । पोर्चुगल, चिली, कोलम्बिया, बेल्जियम र फ्रान्स क्रमश छैठौ, सातौ, आठौ , नवौ र दशौ स्थानमा छन् ।