काठमाडौं । केही समय अगाडि सागर लम्सल बले निकै ठूलो लफडामा परे। अमेरिकी निवासी एक चेलीले उनीमाथि गम्भीर आरोप लगाएपछि उनी हिरासतमा समेत जानुपर्यो। केही दिनको हिरासत बसाएपछि बले अन्तत रिहा त भए तर यतिबेला पनि अमेरिकामा उनको मुद्दा चलिरहेको छ। त्यसपछि खासै कुनै चलचित्र वा म्युजिक भिडियोमा नदेखिएका बले पछिल्लो समय आफ्नो अधिकांश समय पत्नीसँग बिताइरहेका छन्। उनले सामाजिक सञ्जालमा सार्वजनिक गरेका तस्बिर र भिडियोहरूले दुवैको खुसी र आत्मीय सम्बन्ध झल्काएका छन्।
हालै सार्वजनिक भएका तस्बिरहरू हेर्दा उनीहरू वैवाहिक वर्षगाँठ (एनिभर्सरी) मनाइरहेको अनुमान गरिएको छ, यद्यपि स्थानबारे उनले खुलाएका छैनन्। पछिल्ला पोस्टहरूमा उनी सकारात्मक मनस्थितिमा पत्नीसँग रमाइरहेको देख्न सकिन्छ। उनका प्रशंसकहरूले सामाजिक सञ्जालमार्फत शुभकामना दिँदै दाम्पत्य जीवन सधैँ सुखद र सफल रहोस् भन्ने कामना गरेका छन्। त्यस्तै कतिपयले भने अब अन्य केटीहरुलाई छोडेर बलेले आफ्नो श्रीमतीलाई टाइम दिएको भन्दै खुसी समेत व्यक्त गरेका छन्। यद्यपि उनले म्युजिक भिडियो र चलचित्रमा भने कमब्याक गरिसकेका छैनन्।
