काठमाडौं । फ्रान्सका स्टार फरवार्ड किलियन एम्बाप्पे फिफा विश्वकप इतिहासकै सर्वाधिक गोलकर्ता बनेका छन्। जारी विश्वकप २०२६ मा १० गोल थप्दै उनले जर्मनीका मिरोस्लाभ क्लोजको १६ गोलको कीर्तिमान तोडेका हुन्। एम्बाप्पेको विश्वकपमा कुल २२ गोल पुगेको छ, जुन उनले २२ खेलमै पूरा गरेका हुन्। उनले २०१८ मा ४, २०२२ मा ८ र यस संस्करणमा १० गोल गरेका छन्।
अर्जेन्टिनाका लियोनेल मेस्सीले पनि यस विश्वकपमा ८ गोल थप्दै कुल २१ गोलसहित दोस्रो स्थानमा उक्लिएका छन्। पूर्व कीर्तिमानी क्लोज १६ गोलसहित तेस्रो स्थानमा झरेका छन् भने ब्राजिलका रोनाल्डो १५ गोलसहित चौथो स्थानमा छन्। इङ्गल्याण्डका कप्तान ह्यारी केनले यस संस्करणमा ६ गोल थप्दै कुल १४ गोल पुर्याएका छन् र जर्मनीका गेर्ड मुलरको विश्वकप गोल कीर्तिमान बराबरी गरेका छन्।
