काठमाडौं । भारतको नयाँ दिल्लीमा कक्रोज जनता पार्टी (सिजेपी) को ‘चलो संसद’ मार्चका कारण संसद भवन आसपासको क्षेत्रमा सुरक्षा व्यवस्था कडा पारिएको छ। सोमबार जन्तर–मन्तरबाट सुरु भएको प्रदर्शन संसद भवन नजिक पुगेपछि ठूलो संख्यामा सुरक्षाकर्मी परिचालन गरिएको हो।
भारतीय सञ्चारमाध्यमका अनुसार प्रदर्शनकारीहरूले संसद भवनतर्फ अघि बढ्दै ब्यारिकेड तोड्ने प्रयास गरेपछि प्रहरीले अश्रुग्यास प्रहार गर्नुका साथै लाठीचार्ज गरेको छ। घटनापछि संसद क्षेत्र तनावग्रस्त बनेको छ।
उता, आजैदेखि भारतको मनसुन अधिवेशन सुरु भएकाले संसदभित्र बैठक चलिरहेका बेला बाहिर प्रदर्शन जारी थियो। पछि संसदको बैठक स्थगित गरिएको जनाइएको छ। यसबीच प्रधानमन्त्री नरेन्द्र मोदी संसद भवनबाट बाहिरिएका छन्।
प्रदर्शनको नेतृत्व गरिरहेका कक्रोज जनता पार्टीका संस्थापक अभिजित दिप्केलाई प्रहरीले नियन्त्रणमा लिएको बताइएको छ। प्रदर्शनपछि राजधानी नयाँ दिल्लीको संसद क्षेत्र वरपर सुरक्षा थप कडा बनाइएको छ भने अवस्थालाई नियन्त्रणमा लिन प्रहरी उच्च सतर्कतामा रहेको छ।
