काठमाडौं । सामाजिक सञ्जालमार्फत विभिन्न व्यक्तिको निजी जीवनसँग सम्बन्धित विषयमा भ्रम फैलाएको तथा लाञ्छना लगाएको आरोपमा आफूलाई अभियन्ता बताउने वेदिका केसी पक्राउ परेकी छन्। उनलाई नेपाल प्रहरीको साइबर ब्युरोले नियन्त्रणमा लिएको हो।
साइबर ब्युरोका प्रवक्ता एसपी दिलिप गिरीका अनुसार अनुसन्धानका लागि काठमाडौं जिल्ला अदालतबाट एक दिनको म्याद थप गरी आवश्यक अनुसन्धान अघि बढाइएको छ।
केसीले पछिल्ला केही दिनदेखि सामाजिक सञ्जालमा राधिका दासीमाथि व्यक्तिगत तहमा विभिन्न गम्भीर आरोप लगाउँदै सामग्री सार्वजनिक गर्दै आएकी थिइन्। ती आरोपहरू आधारहीन रहेको र आफ्नो चरित्रहत्या गर्ने उद्देश्यले प्रचार गरिएको भन्दै राधिका दासीले साइबर ब्युरोमा उजुरी दर्ता गरेकी थिइन्। सोही उजुरीका आधारमा प्रहरीले केसीलाई पक्राउ गरी विद्युतीय माध्यमको दुरुपयोगसम्बन्धी कसुरमा थप अनुसन्धान अघि बढाएको जनाएको छ।
