काठमाडौं । यी हुन् कंचनपुरकी १७ सम्झना भट्ट । जसले कलिलो उमेरमै गत फागुनमा २४ बर्षिय प्रेमि पवन भट्टराईसँग प्रेम बिवाह गरेकी थिईन् । बिहे गरेको मात्र ५ महिनामै सम्झनाले यो संसारबाट बिदा लिएकी छिन् ।
कञ्चनपुर बेलडाँडी गाउँपालिका-२ सिहपाल टोल स्थिथ आफ्नै घरभित्र झ्याल ढोकामा चुकुल लगाएर झुन्डिएको अवस्थामा मृत फेला परेको प्रहरीले जनाएको छ । घरको ढोका फोडेर सम्झनाको शव बाहिर निकालिएको थियो ।
सम्झनाका बुवा भोजराज भट्टले ज्वाईले छोरिलाई पटक–पटक मानसिक तनाव र शारीरिक यातना समेत दिँदै आएको बताएका छन् । घटना भन्दा अघिल्लो दिन इलाका प्रहरी कार्यालय बेलडाँडीमा घरायसी झगडाको उजुरीपछि प्रहरीले दुबै पक्षलाई सम्झाई बुझाइ गरी घर फर्काएको थियो । ‘सम्झाएर पठाएको भोलिपल्टै घरमा सम्झनाको शव भेटिएको हो ।’
कम उमेरमै विवाह गरेकी सम्झनालाई घरमा कुटपिट हुने गरेको आरोप लागेपछि सोधपुछको लागि श्रीमान् पवन भट्टलाई नियन्त्रणमा लिइएको जिल्ला प्रहरी कार्यालयका प्रवक्ता प्रहरी नायब उपरीक्षक सागर बोहराले जानकारी दिएका छन् । सम्झनाको परिवारले छोरीको शङ्कास्पद मृत्यु भएकाले निष्पक्ष छानबिन गरी दोषी उपर कडा भन्दा कारबाहीको माग गरेका छन ।
