काठमाडौं । चर्चित भारतीय चर्चित नृत्याङ्गना तथा कोरियोग्राफर शक्ति मोहन नेपालको सुन्दरता देखेर मोहित भएकी छिन् । उनले नेपालको ऐतिहासिक सम्पदा अवलोकन गर्दै भक्तपुर दरबार क्षेत्रबाट मनमोहक तस्बिरहरू सार्वजनिक गरेकी छन्। रातो रंगको आकर्षक पहिरनमा सजिएकी शक्ति भक्तपुरका प्राचीन मन्दिर, कलात्मक काठका ढोका, परम्परागत गल्ली र ऐतिहासिक वास्तुकलाको सौन्दर्य नियाल्दै रमाइरहेकी देखिन्छिन्। उनले सामाजिक सञ्जालमा तस्बिरहरू साझा गर्दै भक्तपुरलाई इतिहास, कला र अनगिन्ती कथाले भरिएको जीवित उत्कृष्ट कृति भनेर वर्णन गरेकी छन्।
शक्तिले यहाँको मौलिक संस्कृति, नेवारी सम्पदा र परम्परागत वास्तुकलाले आफूलाई गहिरो रूपमा प्रभावित बनाएको संकेत पनि गरेकी छन्। उनका तस्बिरहरू सार्वजनिक भएसँगै सामाजिक सञ्जालमा नेपालप्रतिको उनको मोहको प्रशंसा भइरहेको छ। धेरैले विदेशी कलाकारले नेपालको सांस्कृतिक सम्पदालाई विश्वसामु सकारात्मक रूपमा प्रस्तुत गरेको भन्दै खुसी व्यक्त गरेका छन्। शक्ति मोहनको यो नेपाल भ्रमणले भक्तपुरको पर्यटन प्रवर्द्धनमा समेत सकारात्मक सन्देश दिने अपेक्षा गरिएको छ।
